Guilhem de Peitieu, ou Guilherme IX, duque da Aquitânia, considerado como o primeiro trovador na língua occitana. A interpretação é do contratenor Pascal Bertin, com La Capella Reial de Catalunya e Hespérion XXI, sob a direcção de Jordi Savall.
Pos de chantar m’es pres talenz quer dizer Porque me veio o desejo de cantar.
Obrigado ao youtube e a Belarmo.
Apresentamos a seguir a letra da canção, como a conseguimos obter:
Pos de chantar m’es pres talenz,
farai un vers, don sui dolenz:
mais non serai obedienz
en Peitau ni en Lemozi.
Qu’era m’en irai en eisil,
en gran paor, en gran peril,
en guerra laissarai mon fil,
e faran li mal siei vezi.
Lo departirs m’es aitan grieus
del seignoratge de Peiteus!
En garda lais Folcon d’Angieus
tota la terra e son cozi.
Si Folcos d’Angieus no-l socor,
e-l reis de cui ieu tenc m’onor,
faran li mal tut li plusor,
felon Gascon et Angevi.
Si ben no s’es savis ni pros,
cant ieu serai partiz de vos,
vias l’auran tornat en jos,
car lo veiran jove mesqui.
Merce quier a mon compaingon,
s’anc li fi tort, qu’il m’o perdon;
et ieu prec en Jesu del tron
et en romans et en lati.
De proeza e de joi fui,
mais ara partem ambedui;
et eu irai m’en a scelui
on tut peccador troban fi.
Mout ai estat cuendes e gais,
mas Nostre Seiger no-l vol mais;
ar non puesc plus soffrir lo fais,
tant soi aprochatz de la fi.
Toz mos amics prec a la mort,
que vengan tut e m’onren fort;
qu’eu ai avut joi e deport
loing e pres et e mon aizi.
Aissi guerpisc joi e deport,
e vair e gris e sembeli.
1 Comment